Ceny na charčovyja tavary ŭ Minsku ŭ studzieni-listapadzie vyraśli na 8,8% u paraŭnańni z anałahičnym letašnim pieryjadam, paviedamlaje Hałoŭnaje statystyčnaje ŭpraŭleńnie Minska.
Ceny na cukar vyraśli na 29,7%, masła — na 25,9%, alej — na 23,3%, šakaład — na 21,9%, biezałkaholnyja napoi — na 16%, majanez — na 11,8%, čaj — na 11,7%, kandytarskija vyraby — na 10,9%, jajki — na 10,8%, ałkaholnyja napoi — na 10,6%,
małako i małočnyja pradukty — na 9,4%, syry — na 8,1%. Mienš prykmietny rost cen adznačany na chleb i chlebabułačnyja vyraby — na 5,4%, miasa i miasapradukty — na 5%, aharodninnyja kansiervy — na 4,8%, kaŭbasnyja vyraby i vendžaninu — na 4,5%, kansiervy rybnyja — na 4,1%. Ceny na makaronnyja vyraby źnizilisia na 8,7%, muku pšaničnuju — na 2%.
Za studzień-listapad 2010 hoda ŭ paraŭnańni sa studzieniem-listapadam 2009 hoda bulba padaražeła na 34,6%. Ceny na inšuju aharodninu vyraśli na 20,9%, u tym liku na časnok — u 1,9 razu, cybulu repčatuju — na 42,7%, kapustu biełakačannuju śviežuju — na 38,9%, morkvu — na 23,2%, buraki — na 20,6%, pierac sałodki — na 16,2%, ahurki śviežyja — na 16,1%, pamidory śviežyja — na 13%. Košt sadaviny pavialičyŭsia na 5,2%, u tym liku cytrusavyja — na 17,9%, suchafruktaŭ — na 10,7%, bananaŭ — na 10%, vinahradu — na 3,5%. Jabłyki patańnieli na 6,6%.
Niecharčovyja tavary ŭ Minsku padaraželi na 7,1%, u tym liku bienzin — na 20,8%, špalery — na 17,5%, piśmovyja pryłady — na 13,7%, parfumierna-kaśmietyčnyja tavary — na 12,1%, miedykamienty — na 10,8%, pančošna-škarpetačnyja vyraby — na 10%, tkaniny — na 9,4%, drukavanyja vydańni — na 7,9%, posud — na 6,1%, viełasipiedy i matacykły — na 4,9%, adzieńnie — na 4,8%, juvielirnyja vyraby — na 4,4%, televizary — na 4,2%.
Płatnyja pasłuhi nasielnictvu pa horadzie vyraśli ŭ canie na 5,4%, u tym liku ceny na bytavyja pasłuhi — na 15%, sanatorna-azdaraŭlenčyja — na 14,1%, daškolnych ustanoŭ — na 10%, fizičnaj kultury i sportu — na 9,2%, pasažyrskaha transpartu — na 9,1%, vyšejšaj adukacyi — na 8,1%, arhanizacyj kultury — na 3,9%, suviazi — na 3,2%, žyllova-kamunalnaj haspadarki — na 2%, turystyčnyja i ekskursijnyja — na 1,9%, miedycynskija — na 1,7%.
Ceny na pradpryjemstvach hramadskaha charčavańnia ŭ studzieni-listapadzie 2010 hoda da letašniaha ŭzroŭniu vyraśli na 8,2%.
Maryna Nosava, BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
