U Łatvii skončylisia zdymki filma «U tumanie» pa apovieści Vasila Bykava. Pra heta paviedamiła Valancina Bielakova,
Film pa apovieści Bykava — adzin z najbolej mocnych «artaŭskich» prajektaŭ, u jakich zaniaty «Biełaruśfilm».
Nad im pracuje viadomy režysior Siarhiej Łaźnica.«U tumanie» — mižnarodny kinaprajekt, u jaho vytvorčaści ŭdzielničajuć MA.JA.DE Fiction (Hiermanija), kinakampanija «Džy Pi» (Rasija), Rija Films (Łatvija), Lemming Film (Niderłandy), a taksama telekanał ZDF/ARTE (Hiermanija), Fond padtrymki jeŭrapiejskaha kino EURIMAGES. Pravy na suśvietnyja prodažy karciny naležać kampanii Match Factory.
Histaryčnaja karcina była źniata za 28 dzion. Pryčym u hrupie pracavali łatyšy, litoŭcy, niemcy, rasijcy, biełarusy, palaki, rumyny, čechi — usiaho na placoŭcy hučała dzieviać movaŭ. «My ŭsio słužyli ahulnaj spravie, i ja ŭpeŭnieny, što harmonija, jakaja panavała na zdymačnaj placoŭcy, uvasobicca na ekranie», — adznačyŭ Siarhiej Łaźnica.
U hałoŭnych rolach zaniatyja Uładzimir Śvirski (Biełaruś), a taksama Siarhiej Kalosaŭ i Uład Abašyn (Rasija).U epizodach udzielničajuć rumynski akcior Uład Ivanoŭ i rasijcy Barys Kamarzin, Michaił Jeŭłanaŭ, Dźmitry Bykoŭski, Julija Pieresild, Nadzieja
Markina.Dziejańnie karciny adbyvajecca na terytoryi akupavanaj niemcami Biełarusi ŭ 1942 hodu. Šlachavoha abchodčyka Suščeniu łžyva abvinavačvajuć u supracoŭnictvie z akupantami. Dva partyzany pryjazdžajuć da Suščeni na chutar, kab ździejśnić raspravu nad zdradnikam. Suščenia spadziajecca dakazać svaju nievinavataść…Siarhiej Łaźnica nazyvaje film, u asnovie jakoha adnajmiennaja apovieść Vasila Bykava, dramaj «pra čałavieka, jaki sprabuje zrabić maralny vybar u amaralnych abstavinach».
«U smuzie» — druhi hulniavy film Siarhieja Łaźnicy. Premjera hulniavoha debiutu — stužki «Ščaście majo» — adbyłasia ŭ mai 2010 hoda na Kanskim kinafiestyvali.
